Сезонный влак Вояка Швейка, котрый спаять Meджілабірці з польскым містом Санок і Ржешов, через тото літо ходить од пятніці до неділі. Його ход є напланованый до 6-го септембра. У влаку є 140 місць на сіджіня, 132 нa стояня, і місце на 4 біціґлі. На словеньскім боці є про навщівників найвекшым тягадлом  Mузей модерного уменя Енді Варгола в Meджілабірцях. Крайска орґанізація турістічного руху Северовыход Словеньска в співпраці з гуменьсков САД-ков надвязали на споминаный влак і сезонным автобусом, котрый перевезе навщівників Вышнім Земпліном. Так можуть спознати і деревяны храмы, Воєньскый історічный музей, Долину смерти і іншы памяткы. (TASR, Анна Кузмякова)