В суботу 23-го юла посвятив владыка Петро Руснак обновлену Церьков Вознесенія Господне у філіалнім селі Рогожник, котра перешла великов реконштрукційов інтерьєру і екстерьєру. По посвячіню слідовала Божеска літурґія, котру вєдно з владыком одправляло веце священиків. На кінцю торжественной події владыка Петро уділив старостці села Рогожник Яні Пальовій нагороду – юбілейну медайлу за їй жертвенну службу і анґажованость а містный адміністратор парохії отець Павел Данцак мололодшый подяковав вшыткым, окремо містным вірникам, за молитвы і поміч при реалізації того діла.

(Медвідь, ISPA)