Словацька влада абсолвує далше дводньове выїздове засіданя до найменше розвитых реґіонів. Днесь засідать в Меджілабірцях, в середу буде в Бардейові. Кабінет Петра Пеллеґрініго має днесь занимати ся інформаціями о реалізації акчного плану розвитку окресу Меджілабірці. На засіданю має говорити ся і о фінанчній помочі у вышці міліона евр, котра має быти загнана до 31-го мая. Грошы підуть на дофінанцованя ренґену, реконштрукцію шпыталю, котрого властником є місто ці до обновы автобусовой і желізнічной штації як і на далшы проєкты. Інвестовати бы ся мало і до сел околіці, наприклад до Красного Броду, де обновлять будову Сільского уряду. Фінанції бы мала дістати і церьков.

(Медвідь, TASR)