Обєкты Крайской бібліотекы П. О. Гвіездослава в Пряшові перейдуть реконштрукціов, представителі Пряшівського самосправного края (ПСК) одовздали реалізаторові будівницьку площадку. Іде о єдну з найвекшых тогорочных інвестіції ПСК. Проєкт собі выжадать скоро 5,8 міліонів евр і край його буде фінанцовати з властных джерел і з уверу Европськой інвестічной банкы у вышці скоро 2,5 міліонів евр. ЯК при тій нагоді председа ПСК Мілан Маєрьскый повів, же реалізаційов споминаного проєкту  взникне модерне і репрезентатівный центер. Проєктом ся єдночасні понижыть превадзковый келчік і  значно зліпшыть лоґістіку. Іде притім о комплексну реконштрукцію міщаньскых домів на Словацькій улиці чісло 18, 20, 22 з выужытьом екстерєру двора на акції і актівіты. Проєкт сцентралізує до єдной мултіфункчной будовы самостатны три філіялкы – централу в Босаковім домі, просторы іноязычной літературы і дітьске одділіня. До новой мултіфункчной будовы ся перестягує і архів бібліотекы. Роботы бы ся мали скінчіти на осінь 2023-го року. (TASR, Pkf)