У Великім Шаріші прибыло в послідніх роках вецей як 2000 обывателів. Радниця то приписує позиції міста і доступностьов фундушів на будованя родинных домів. Єдночасно мать в плані выбудовати бітовы домы. Як про пресову аґентуру TASR повів пріматор міста Великого Шаріша Віліам Калл, „В 2001-ім року сьме мали 4000 обывателів, так ку днешньому дню їх є 6342, іншыма словами  звышіня є у вышкі скоро 55 процентів. Даны чісла суть барз позітівны, бо знаме о самосправах в околиці, котры зазначують скоріше оборотный тренд, то значіть понижуючій. Може є то дане  позиційов міста, котре є  скоро шість кілометрів од крайского міста. Маме ту містьскый громадный транспосрт. Правдаже, помагать тому і то, же у нас суть доступнішы фундушы як у крайскім місті і правдаже  нижшы дані як в околиці.“ (TASR, Pkf)