Музей модерного уменя Енді Варгола у четверь спустив на соціалній сїтї проєкт Coffee break, посередництвом котрого буде на денній базї презентовати інтересы зо світа уменя. ,,Coffee break є сістематічный, на денній базї приготовлёваный концепт короткых справ з цїлём будовати популарну музеалну інформованость неуменоведного характеру,“ увів директор музея Мартін Цубяк з тым, же ММУЕВ буде денно меджі 9.00 і 9.30г на своїм сайтї на соціалній сїтї ,,ку ранній каві“ публіковати рiзны інтересы зо світа уменя і зо жывота, історії і дїялности музея. Музей тыж од зачатку марца приготовив новый едукачно-презентачный формат Фацтори Пеопле. ,,Раз тыжденно в нім приближуєме умелецьке середовище і людей, котры сполупрацовали з Енді Варголом, рушали ся в ёго безпосередній близкости, взаємно го овпливнёвали, а тым овпливнёвали і сам розвиток уменя у світї в другій половинї 20. стороча,“ доповнив Цубяк.
(ТАСР, Шутіова)