Протягом 17. рочника Традічного рождественного ярмарку, котрый ся в Попрадї одбыв перед Різдвом і пришло на нёго рекордных 30.000 навщівників, ся выпродуковало шість тон смітя. Бігом трёх дней мали люде можливость сепаровати а змірнити тым досяг на жывотне окружіня. ,, Не вшыткы мали ясно в тім, як сепаровати, другы ся може і позабыли,“ сконштатовав ведучій центра одвозу смітя Брантнер Попрад Юрай Гвіздош. Найвеце, скоро 2,5 тоны смітя, ся одвезло в послїднїй день ярмарку. Далшу варку смітя обчекує компанія по різдвяных і новорочных святах. Під рождественныма стромиками сі люде нашли множество забаленых дарунків. ,,Дарунковый папірь патрить до папіря, дарункова фолія до пластів,“ упозорнила ведуча центра маніпулації з одпадом Любоміра Білошова. Міра вытріджіня одпадів в містї Попрад є в сучасности на уровни 34,8 процента.

(TASR, Шутіова)