Дві реґіоналны бібліотекы Пряшівского самосправного края (ПСК) будуть мати нове інтерєрьове выбавліня. Вступ до проєктів в рамках вызвы Фонду на підпору уміня одобрили на понедільковім заступітельстві крайскы посланці. Новы реґалы так можуть очіковати Піддукляньска бібліотека у Свіднику і Крайска бібліотека П. О. Гвіездослава в Пряшові. Пресаґентуру TASR о тім інформувала Леа Леготска з одділіня комунікації Уряду ПСК. Цілкова высшка одобреного ненавратного фінанчного вкладу в проєктовых замірях представує веце як 173.000 евр. Сполуфінанцованя ПСК як зрядователя є у вышці 35.000 евр. (TASR, Pkf)