Історічно першы шпеціалны класы матерьской і основной школы про дїти зо здравотным зневыгоднїнём отворили в тых днях на сідлиску Мазорниково в містї Брезно. ,,Отворили сьме дві шпеціалны класы про дїти з автізмом. Барз ся тїшу з того проєкту. Єдна класа є становлена про предпрімарне навчаня а друга про прімарне. Максімална кількость школярїв в каждій класі про дїти з автізмом є штири, причім преферованы суть тоты зо стабілным місцём бываня в нашім містї,“  інформовав пріматор Брезна Томаш Абел на соціалній сїтї. Класу МШ моментално навщівляють штироє дїти у віку штирёх аж пятёх років а класу ОШ двоє школярї у віку сім аж девять років.

(TASR, Шутіова)