Місто Бардейов уж довгый час ся старать о обнову южного барбакану а радніця дала зробити нову штудію на оправу выходной части oпевніня. Штудія приходить з новов концепціов выужытя той части опевніня, до котрого бы ся по реконштрукції мала вернути вода, яка ту была в минулости. Проєкт oбновы выходной части градного опевніня буде розділеный на дві части. Першу етапу буде творити санація градеб в северовыходнім барбакані, выставба водных плох, eнерґетічных розводів, дрібной архітектуры і iлуміначного освітліня. Сучастьов будуть ходникы і зелень. В другій етапі є пропонована реконштрукція градного опевніня і добудованя хыблячіх частей, обнова Великой і Червеной башты, ходника особности і теренных управ. Цільом інвестіції є вытворити оддыхову зону, в котрій буде простор про културны актівности і турістічный рух. Цілый ставебный розрахунок перевышує суму 2,5 міліон евр, з того планованы вытраты на першу етапу будуть коло 500 000 eвр. Teрмін зачатку ставбы є пропонованый на другый квартал будучого рока. Закінчіня першой етапы ся планує до кінця рока 2018. У далшім році бы ся мало зачати з другов етапов роботы.
(Петро Кімак-Фейко)