В минулім року навщівило Словацьке народне музеум – Спісшке музеум в Левочі скоро 245.000 гості. Даша Угарчекова Павукова зо згаданого музея інформувала, же найвекша атракціа музеа, Спішскый град, быв отвореный од 26. марца до 18. новембра і його бранами перейшло скоро 211.500 навщівників. „Є то о скоро тісяч менше як то было в року 2017,“ увела Угарчекова Павукова, же наприклад културный фестівал Літо на граді, котрый патрить до навщевуванішых акцій, собі в минулім року  попозерало скоро 47.500 людей. Найуспішнішыма акціями окрім іншого были Славностне отворіня літньой туристичной сезоны на Спішскім граді, Ніч музеї, театральні пятниці, Тайомны ночі зо жывыма сохами ці іншы. (ТАСР, ПКФ)