Містьскый шпыталь в Снині має новый апарат на дыханя про пацієнтів з хворотов COVID-19, прибуде так само дезінфекчна брана. Самосправа накупила тоты річі з репрезентачного фонду пріматоркы, а так само і вдяка рефундації фінанцій за вікендовы скрінінґовы тестованя. Інформовала о тім пріматорка Даніела Ґаландова. З репрезентачного фонду пріматоркы в рамках зміны розрахунку пересунули на купліня апарату на дыханя 7100 евр. Єдночасно з рефундації Міністерства внутрішніх справ Словацькой републікы за тестованя в попередніх місяцях Снина купила дезінфекчну брану, причім тота є в процесі выробы, і за словами пріматоркы бы єй штохвіля мали наіншталовати. Подля їй слов є теперь сітуація з ковідовыма паціентами стабілізована в Снині, но сітуацію нетреба підціньовати.

(Медвідь, TASR)