Як інформовав денник Кorzár, членове профсоюзів зберали в понедільок в Гуменнім підписы під петіцію з назвов Скоріше до пензії. Жадають схваліня певного віку одходу на пензію на 64 років і скорішый одход про жены, котрый бы быв повязаный із кількостьов дітей. Членове профсоюзу КОВО петіцію зачали на цілій Словакії минулый тыждень. В неділю были в Сабінові днесь суть в Ґелніці. Рихтують ся і до Стропкова, Свідника ці Бардйеова. Профсоюзы не суть согласны з безпрестайым підниманьом віку одходу до пензії. Женам хотять вік знижыти. З єдным або двома дітми бы женам хотіли одраховати піврік, припадно рік, жены із трьома або веце дітми бы ішли на пензію як 62 і піврічны.
(Медвідь)