Михалівцї ся про рік 2019 стануть Европскым містом шпорту. Офіціалнї то на прес-конференції оголосив заступця одборной комісії ACES Europe Лукаш Ворел. Одборна комісія была в Михалівцях уж од понедїлька. Метропола Земпліна ся так стане четвертым словацькым містом, но першым не крайскым містом, котре здобуде такый гонор. Як конштатує пріматор Михаловець Віліам Загорчак: „Беру то як оцїнїня за то, што про шпорт в містї робиме. Шпорт треба розуміти зо шыршого погляду. Не суть то лем шпортовы клубы, але і вытваряня условій, жебы ся шпорту в містї дарило. В роцї 2019 будеме містом шпорту а про нову самосправу то наісто буде обовязок, жебы ся місто з погляду шпорту іщі веце поздвигло і спопуларізовало.“ В рамках слїдуючого рока хотять обновити і фотбалобый турнай Michalovce Cup.
(Noviny Zemplina, Цітрякова )