Дорогоцінный реліквіярь з Ріма є выставеный в Катедралнім соборі Народжіня пресвятой Богородиці в Кошыцях. Кошыцька ґрекокатолицька епархія і такым способом зве пережыти тыждень святого духа, котрый буде тырвати до 16. юна. Як про словацьку пресову аґентуру TASR Мартін Мраз повів, пресовый говорця епархії, „вырішыли сьме якраз в тім тыждні святого духа выставити вынятковый реліквіярь, котрый маме пожыченый з Ріма, в котрім є 144 реліквій різных святых чоловіків і жен. Єдночасно є там і реліквія Святого хреста. Абы сьме в тім тыждні святого духа вказали на то, же святість є на досяг, святість є можна, і про людей в днешніх часах.“ (TASR, Pkf)