В порадю 23. рочник меджінародного змаганя команды захоронюючіх здравотных служеб ся одбыв кінцём мая в Єсеникох в Чехії. Участь брало скоро 80 захранарьскых тімів з цїлого світа. Команды Захоронюючой службы Кошіцї зась забодовали. В нарочній конкуренції выграла команда  в зложіню Міхал Гудак, Лукаш Брож і Матєй Андращік, котры роблять на станіцях Захоронюючой службы Кошіцї в реґіонї Попрад. Команды рішaли 14 фаховых задань з тематіков урґентной медицины в денных і ночных етапах а мусили поступовати так, як в реалнім выяздї. В рамках змагалных задач ся мусили выспорядати і з роботов оператора на операчнім центрі захоронюючіх здравотных служеб і звладнути тїснёвы воланя на лінку 155.
(KORZÁR, Шутіова)