Фірма Alpine Oil and Gas зрекла ся бадательской теріторії Пакостів у окресі Гуменне. Причінов є подля представителів фірмы тырвала незгода людей, самосправ і актівістів. Приступ ку теріторії в Руській Порубі в окресі Гуменне їм заборонило рішіня державных орґанів. Зо севервыходу Словакії цалком компанія не одходить. Буде ся концентровати на єдну ліценцію – Свідник. Фірма глядать ропу і ґаз на северовыході Словакії од 2006-го року. Тримать ліценції на теріторії Меджілабірці, Снина і Свідник. Баданя плановала закінчіти вертаньом в Ольці в окресі Меджілабірці, в Руській Порубі і в Смілні в окресі Бардейов. Наразила не твердый одпор містных жытелів, самосправ, а головно актівістів.
(TASR)