Штуденты Факулты здравотницькых одборів (ФЗО) Пряшівской універзіты в Пряшові в проґрамі урґентна здравотна старостливость (УЗС) мають можность хосновати сімулачный центер. Находять ся в нім ізбы тройізбового біту, амбуланція урґентного прийму і санїтка. ,,Штуденты мають можность в тім просторї перецвічовати вызву на засяг, реалізовати засяг в просторї сімулованого біту а зарівно сі мають можность перецвічовати одовздаваня паціента на урґентнім приймі, де сі можуть перецвічовати кооперацію тіму або рїшіня крітічного паціента в тых условіях. Намагали сьме ся то приспособити реалным условіям,” увела ведуча катедры УЗС ФЗО Данка Боґуска. Подля слов деканкы ФЗО ПУ в Пряшові Штефанії Андращіковой є центер приносом у підвышіню якости едукації захранарїв а головно перепоїня теорії і праксі.

(TASR, Шутіова)