Як пояснює директор Музея модерного уменя Анді Варгола в Меджілабірцях Мартін Цубяк, „Warhol tour є шпеціалный кураторскый концепт. Тематічно в нїм представлюєме краля попарту в різных окресных містах нашого краю. Путовна выставка ся зосереджує на менше знамы творы. Ку каждому місту бы сьме хотїли приспособити темы так, жебы холем кус корешпондовали з ёго історіов. Могла бы то быти і колаборація Енді Варгола з даякым інтересным містным умелцём.“ Першым містом в якім ся реалізує Warhol tour є Левоча а выставка є про верейность сприступнена до 27. януара. Выставкы зо серії Варголового турне по Пряшівскім краю суть зарівно позванём до Музея модерного уменя Енді Варгола в Меджілабірцях, котре взникло перед 27 роками а є історічно перше своёй сорты і дотеперь єдине в Европі.
(TASR, Цітрякова)