Бардеёвскы купелї не приїмають новых кліентів на побыт. Дотулять ся то вшыткых, і кліентів здравотных поіщовней на основі схваленой пропозіції на купельне лїчіня.Опатрїня затля платить про кліентів з наступом до 30. марца. Новы опатрїня повязаны з находжінём нового коронавірусу будуть купелї приїмати подля потребы. TASR о тім у четверь інформовала економічно- обходна директорка Бардеёвскых купелїв Тамара Шатанкова. Навщівы членів родины в ареалі суть заказаны. Купелї пожадали кліентів, котры мають купены комерчны побыты, жебы пожадали о наградны терміны. Коло пересуну ся буде брати огляд на єднакы цїновы условія, і кедь купены побыты пересунуть на пізнїшый термін.

(TASR, Шутіова)