Мала, місцями переходно звекшена хмарность, вынятково преганкы або додж. Найвысша денна теплота 21 аж 26 ґрадусів. Теплота на горах у вышцї 1 500м около 11 ґрадусів. В ночі хмарно. Вынятково додж або преганкы. Найнизша ночна теплота 16 аж 11 ґрадусів. В суботу ясно аж півясно, місцями переходно звекшена хмарность. Найвысша денна теплота 22 аж 27 ґрадусів. В ночі зо суботы на недїлю півясно, з рана вынятково молга. Найнизша ночна теплота 14 аж 9, в долинах місцями 8 аж 3 ґрадусы. В недїлю мала, переходно звекшена хмарность, вынятково слабый додж або преганкы. Найвысша денна теплота 23 аж 28 ґрадусів. Дути буде слабый, через день переходно южный вітор в скорости до 20 км/г.

(SHMÚ, Шутіова)