Кошыцькый самосправный край выголосив вызву на передкладаня жадостей на уділіня прав на хоснованя значкы Реґіоналный продукт Кошыцького краю і Традічный выробок Кошыцького краю. Перша вызва є заміряна на ремеселны і природны продукты, продуценты можуть голосити ся до 18-го октобра. Реґіоналный продукт Кошыцького краю є значков якости, котра буде удільована ремеселным, потравинарьскым ці земледільскым продуктам з походжіньом в Кошыцькім краю. Цільом є створити силну реґіоналну значку, підпорити якостны локалны продукты і службы, котры презентують край і звекшують інтерес навщівників о реґіон. Каждый заінтересованый о здобытя значкы Реґіоналный продукт Кошыцького краю може жадати і о уділіня міморядной значкы Традічный выробок Кошыцького краю, котра задефінує і його унікатне одношіня ку окремым реґіонам краю – Ґемера, Спіша, Абова і Земпліна.

(Медвідь, TASR)