Здружіня міст і сел Словакії (ZMOS) хоче зміну выглашкы односно редукції сіті дітьскых амбулантных поготовостей. Намагать ся о захованя поготовостей в штонайвекшім чіслі і доспутній оддалености про родічів. В тій справі председа ZMOS Йозеф Божік стрітив ся з міністерков здравотництва Зузанов Долинковов. Їднають і з педіатрами в реґіонах.  ZMOS хоче передъїднати в доткнутых реґіонах, в котрых актуално грозить заникнутя певных пунктів абулантной поготовостной службы, з педіатрами охоту, а в припаді захованя дітьской поготовости хоче персонално забезпечіти фунґованя такой амбуланції. На веце місцях Словакії зато актуално проходять їднаня з педіатрами за участи пріматорів і старостів. По сумарізації потрібных підкладів хотять Божік і членове фаховой секції здравотництва при Раді ZMOS їднати з резортом здравотництва.

(Медвідь, TASR)