Выходословеньска водареньска сполочность (VVS) од 1-го януаря звышыть ціны  водного і сточного. О новых цінах вырішыв Уряд про реґулацію сітьовых області (ÚRSO). За выробу і додавку пітной воды верейным водоводом (водне) будуть одберателі по новім платити 1,9577 евра з DPH за кубічный метер (m3). Дотеперь была тота ціна 1,7933 евра. Звышіня ціны так представує коло девять процентів.  Высше звышіня ся дотулять сточного, то значіть одведжіня і чістіня одпадовой воды верейнов каналізаційов. Од нового року буде ціна 1,6351 евра з DPH за m3, дотеперь то было 1,3566 евра. Наріст є 20,5 процента. Нова буде і ціна за дістрібуцію питной воды верейным водоводом про містьтны водареньскы сполочности. Дотеперь была 1,1094 евра з DPH за m3, по новім буде 1,0768 евра, што є пониженя о три процентів. (TASR, Pkf)