Орґанізація Via Iuris вызывать політіків, жебы решпектовати основны прінціпы правной державы. Звертать увагу на то, же скороченый леґіслатівный процес є вынятковым процесом і його хоснованя без достаточной причіны є грубым порушованьом закона. Припоминать то в повязаню з протиінфлачныма законами з дільні міністра фінанцій Іґора Матовіча, при котрых шеф резорту фінанцій обышов вшыткы правила штандартного леґіслатівного процесу, кедьже суть приниманы в скороченім леґіслатівнім процесі. Via Iuris одказує, же такый поступ може мати в будучности свою догру на Конштітучнім суді Словацькой републікы.

(Медвідь, TASR)