Унія автотранспортерів Словакії (UNAS) перерушыла днесь з частковов блокаційов граничного переходу Вышне Німецько-Ужгород і оставать в штрайковій поготовости. Інформувала о тім на соціалній сіті по вчерайшім їднаню европскых міністрів транспорту в Бруселі. UNAS не є согласна зо зрушіньом такзваных “поволеніек“ про україньскых транспортерів в Европскій унії і прыдала ся к протесту їх польскых колеґів на границях з Українов. Як дале UNAS інформувала, же мають в плані ся што найскоріше стрітнути з міністром, абы дознали ся його пропозиції і рішіня і єдночасно сконзултують  дальшый поступ з польскым партенром KOPTIPT. (TASR, Pkf)