Штудентьска рада высокых школ (ŠRVŠ) листом вызвала председу влады Іґора Матовіча, абы ся вздав свого маґістерьского тітулу так, як повтурюючо обіцяв. Єдночасно ŠRVŠ доручіла премєрові і передприправеный формуларь, котрый стачіть підписати, освідчити підпис і послати ректорові Універзіты Коменского в Братіславі. TASR о тім інформувала підпредседничка про односины ŠRVŠ Ема Петрікова. Так само ŠRVŠ вызывать, і буде ословльовати і дальшы верейны діючі особы, абы з почливости к высокошколскій освіті і феровым штудентам вздали ся своїх тітулів. (TASR, Pkf)