Опозічна партія Smer-SD евідує подля інформацій з петічного выбору понад 400 тісяч підписів на ініціованя референдума за передчасны парламентны вольбы. TASR то потвердив говорця партії Ян Мажґут. Председа соціалных демократів Роберт Фіцо недавно авізовав, же по Великодни буде засідати петічный выбор і договорить ся на далшім поступі. Фіцо хоче вызберати холем 500 тісяч підписів, бо очекують, же презідентка Зузана Чапутова дасть вопрос в референдумі посудити Конштітучному суду. Так само собі знать представити, же ся буде контрольовати каждый єден підпис. Петіцію за референдум окрім партії Smer-SD ініціовали і мімопарламентны партії Hlas-SD і SNS. Декларують, же має іти о аполітічный обчаньскый референдум.

(Медвідь, TASR)