Здружіня самосправных країв SK8 вызывать владу і політиків, абы зохабили незмыселны гадкы і веновали ся манажменту справіня ся з пандемійов на Словакії і керуваню зо вшытков енерґійов. Вызву прияли на засіданю председів самосправных країв в Трнаве. Інформували о тім на стрічі з новинарьми по скінчіню засіданя. З ініціятівов прийшов председа Банскобыстріцького самосправного края Ян Лунтер. Повів, же на вызві ся председове договорили напоперек політичного спектра. (TASR, Pkf)