Партія SaS решпектує рішіня влады прияти узнесіня о продовжіню стану нужды. Но шеф партії і віцепремєр Ріхард Сулик з міністром загранічных діл Іваном Корчоком узнесіня не підпорили, бо не суть согласны із заказом выходжіня. Становиско лібералів про TASR дав говорця партії Ондрей Шпырлак. Лібералы подля його слов вірять обіцяню премєра Едуарда Геґера, же штохвіля прийде ку выміні стану нужды за новелу закона о господарьскій мобілізації і за пандемічный закон. Влада в понедільок вечур вырішыла, же стан нужды продовжыть ся о далшых 30 днів. Потвердити то іщі мусить парламент. Так само влада узнесіньом вырішыла, же заказ выходити од четверьга 29-го апріля посуне ся о годину і буде платити од 21.00 год.

(Медвідь, TASR)