Пропонована консолідація верейных фінанцій може способити колапс здравотництва, затоже з той области ся мать взяти скоро 260 міліонів евр. Твердять то представителї SaS. Способить то подля них понижованя платів здравотників. Крітізують, же міністерка здравотництва Зузана Долінкова (Hlas-SD) вочі тій змінї не боює. ,,Здравотництву ся мать узяти скоро 260 міліонів евр. Грошы, котры мали быти становлены на платы здравотницкых робітників, до резорту не потечуть,“ увів на четверёвій тисковій конференції посланець Народной рады СР Томаш Салай (SaS). Чекав бы, же Долінкова ся буде проти такым намагам о консолідацію озывати. ,,Міністерка Долінкова повіла, же то бере на свідомость а за свій резорт не боює,“ додав з тым, же і тото є єден з доводів, на єй одкликованя. Кедь не прийде в будучім року до здравотництва 260 міліонів евр, підвышыть ся подля Салая одход словацькых здравотників до заграніча. Додав, же ся підвышать і чекачі леготы а підвышыть ся поплаткове затяжіня паціентів.

(TASR, Шутіова)