Окрім чітательской, математічной, природознавчой і фінанчной ґрамотности будуть 15-річны школарі в рамках меджінародного тестованя PISA, котре приготовлює OECD, вказовати і знаня з ґлобалного думаня. Выражати ся будуть ку темам як біда, міґрація ці жывотне оточіня. „В ґлобалных компетенціях будуть школярі рішыти комплексны ґлобалны проблемы, котры засягують до жывота людей 21-го столітя,“ пояснила директорка Народного інштітуту цертіфікованых мірянь освіты Романа Кановска. Подля ньой очекує ся од 15-річных школярів, же будуть знати выразити свою позіцію ку тым темам. Меджінародне тестованя буде проходити од 16-го до 27-го апріля на приблизно 400 основных школах. Проходить все в трирічных ціклах, остатнє было у 2015-ім році.
(TASR, Mедвідь)