Кандідаты на конштітучных судців бы ся мали выберати конштітучнов векшынов, значіть холем 90-ма голосами в парламенті. Тырвать на тім рух OĽaNO, котрый то буде пропоновати до закона з ділні міністра справедливости Ґабора Ґала. Подля лідра руху Матовіча є то ключове условіє, жебы были конштітучны судцьове выбераны таков векшынов. „Стачіть концентровати ся на єдно основне, і тым є, кілько людей буде схвальовати тых кандідатів на конштітучных судців. Просто ці то буде конштітучна векшына або ніт. Покля то буде лем 76 голосів, причім они мають веце як 80 голосів, так властно стачіть меншына з голосів владной коаліції на то, жебы собі навыберали решту Конштітучного суду,“ говорить Іґор Матовіч. Подля нього бы собі тым люди як Фіцо, Калиняк, Бедер забезпечіли аж до 2031-го року безкарность і до того року ту подля лідра руху не буде справеливость. Міністер Ґал передкладать закон, котрый мінить Конштітуцію і на то му буде треба і голосы опозіції. Неуспіх собі не припущать.
(Медвідь, TASR)