Североатлантічна аліанція (NATO) є найсилнїшов і найуспішнїшов обраннов аліанціёв на світї. Є єднов з ґаранцій нашой слободы, ґарантує нашу безпечность і напомагать охранї і просперітї днесь уж 32 споєнецькых держав враховано Словакії. Презідентка Зузана Чапутова то увела на соціалній сітї з нагоды 75. юбілея взнику Североатлантічной аліанції. Презідентка підкреслила, же окремо в сітуації Російской аґресії на Українї є NATO ключовым і ненаградітельным піліером міру і безпечности в Европі.

(TASR, Шутіова)