При днешній поліцайні акції, котра мала назву Очістец затримали дакілько обвиненых особ. Обвініня было вышетруючім Народной кріміналной аґентуры (NAKA) подане про дакілько трестных поступків. Пресову аґентуру TASR о тім інформувала говоркыня Уряду шпеціалной прокуратуры Яна Тыкылійова. NAKA од ранных годин засягувала в домі бывшого поліцайного презідента Тібора Ґашпара в Яніковціах в містьскій часті Нітры. Днешня акція NAKA одбыла ся подля джерел TASR і у дальшых бывшых поліцайных функціонарів. Подля телевізії Markíza NAKA засяговала і в Іванкі при Дунаю у бывшого шефа Народной кріміналной аґентуры Петра Грашка і в Левіціах у бывшого высокопоставеного поліцайного функціонара Бернарда Слободніка. (TASR, Pkf)