Опозічны політічны субєкты Hnutie Slovensko, SaS і KDH крітікують рішіня премєра Роберта Фіца перервати комунікацію з выбратыма медіями. Беруть то за неакцептовательне. Подля KDH замірне іґнорованя выбратых медій іщі веце выкликує розділіня в сполочности, котру бы мав Фіцо скоріше успокоїти. Рух Іґора Матовіча означів діяня Фіца за неприпустне і негодне председы влады. Тоты практікы руху припоминають практікы сперед Новембра 89. Премєр перервав комунікацію з телевізійов Markíza, денниками N і Sme, як і з порталом Aktuality. Твердить, же не повнять повинность правдиво, всесторонно і вчасно інформовати сполочность о діятельности орґанів публічных властей. Проти приступу премєра в понедільок перед Урядом влады Словацькой републікы протестовали штуденты журналістікы Філозофічной факулты Універзіты Коменьского в Братіславі.

(Медвідь, TASR)