Партія Hlas-SD хоче, жебы коаліція до кінця рока доїднала ся на новім мені председы Народной рады Словацькой републікы. Сконштатовав то на понедільковій пресконференції председа партії Матуш Шутай Ешток. О мені будуть бісідовати в рамках презідії партії, но про нього є пріорітов, жебы посаду обсадив Ріхард Раші, котры є того часу міністром інвестіцій. Подля Шутая Ештока є зволіня председы парламенту єдным із кроків, котры треба прияти на стабілізацію владной коаліції. За його словами має коаліція тоту несповнену домашню задачу і він буде робити вшытко, жебы ся дішло до договору. Шутай Ешток вірить, же собі то усвідомлює і председа SNS Андрей Данко. SNS довгодобо блокує вольбу председы парламенту. Хоць посада належыть подля коалічного договору партії Hlas-SD, по зволіню бывшого председы партії Петра Пеллеґріні за презідента собі председа SNS почав робити претентзії на тоту функцію.

(Медвідь, TASR)