Мімопарламентна партія Hlas-SD непідпорить дарованя бомбардерів MiG-29  на Україну. Коалічный рух Sme rodina і опозична SaS дарованя бомбардерів підпорять. В діскусній релації Na telo в телевізії Markíza то увела підпредседничка Hlasu-SD Деніса Сакова, посланець Браніслав Ґроглінґ і дочасні повіреный міністер праці Мілан Крайніак. Hlas мать подля Саковой штирі условія на то, абы підпорив дарованя міґів. Хоче, абы Словакія поступовала єднотно з Европсков унійов і NATO і абы дарованя было у звязку з правным порядком СР. “То не є сповнене,“ сконштатовала Сакова. Продовжує, же при хоцьякій помочі ся немать понижувати способность обороны Словакії і немать ся тыж забыти на словацькый народ. Презідентка СР Зузана Чапутова бы ся подля посланкыні мала обернути на Уставный суд СР, котрый бы вырішыв, ці влада в демісії мать або немать право вырішувати о заграничнополітичных справах. (TASR, Pkf)