Як інформовала ТASR, здравотна поїщовня Dôvera при контролї превентівных вышетрїнь одкрыла скоро 105.000 превентівных вышетрїнь, котры не были зроблены правилно. При конторлї ся працовници здравотной поїщовнї заміряли на амбуланції, в котрых выказовали підозріло высоке чісло поїщенцїв, якы подля документації мали абсолвовати превентівне вышетрїня. Говорить ґенералный директор здравотной поїщовнї Dôvera Мартін Култан: „На основі аналізы даных і на основі нашого перевірованя сьме зістили, же коло 30% превентівных вышетрїн не є реалізованых так, як бы мали быти. У 8-ох процентах не суть зроблены жадны лабораторны вышетрїня, як є напр. вышетрїня кырве ці мочу, што є занедбаня тогом на што має пацієнт нарок і што може значіти, же ся не зістять дакотры потенціалны хвороты.“ З даных выходить, же найчастїше голосили выказованя фіктівной здравотной старостливости самы пацієнты. Здравотна поїщовня рїшать тоты припады в змыслї змлувных условій формов покут амбуланціям.
(TASR)