Тристо сторінок із спису односно кавзы Технополу, котры щезли з Окресного суду Братїслава І, нашли адвокаты при нагляднутю до іншого спису, котрый не є кавзалным списом а дотулять ся обходного реґістра, але і кавзы Технопол. У звязї з тым міністер справодливости Ґабор Ґал зробив выводы особной одповідности і одкликав з функції председнічку Окресного суду Братїслава І Анну Кашаёву. Міністер Ґал повів, же мож вылучіти задумане конаня, але сітуацію поважує за манажерьскый крах, бо міністерство было пізно інформоване, кедьже часть спису змізла уже в авґустї. Не зробили ся такой потрїбны крокы, не подало ся трестне ознамлїня а докінця, як мож видїти, ани ся докладно не прошетрили вшыткы списы, котры могли быти з кавзов звязаны. Председнічка суду подля ёго слов не поважовала за потрібне інформовати міністерство справодливости і преседу Крайского суду Братїслава о щезнутю спису.
(TASR, Цітрякова)
Фото: TASR