По порядку уж третій протикорупчный поход ся одбуде в понеділок 25.септембра в Братіславі. Інформували о тім днес орґанізаторы. Окрім того, Словакы жыючі в Празі прийдуть в тот самый день перед амбасаду Словацькой републикы в Празі. “Продовжуєме прото, бо нам залежыть на Словакії, на державі в котрій хочеме жыти і бывати. Продовжуєме прото бо нам залежыть, абы тота держава была справодлива ісуча про вшыткых слушных людей“ повів єден з головных орґанізаторів Давід Страка. Орґанізаторы походу нелем жадають обясніня кавз „Баштернак“ і “Ґоріла“ і одступліня шпеціалного прокуратора Душана Ковачіка, але зачали і протикорупчнов петіційов. Дотепер вызберали асі 70 000 підписів.
(Петро Кімак-фейко)