Тайна акція Штатной безпечности з назвов Акція К (kláštory – монастырі) ся одбыла вночі з 13-го на 14-го апріля 1950-го року. Членове Збору народной безпечности, Людовых міліцій, ШтБ (ŠtB), даґде і за асістенції армады вникли до 56 монастырів на цілій теріторії Чехословакії. На Словакії інтерновали 881 монахів з 11-ьох реголь. Перзекуції ся найвеце дотулили єпіскопів Яна Войташака, Михала Бузалка і Павла Петра Ґойдіча, котрых суд в році 1950 одсудив за зраду републікы на дожывотне однятя слободы і обчаньскых прав.На основі закона Народной рады СР з октобра 1993-го року є 13-ый апріль памятным дньом і припоминать ся як День несправодливо покараных. (TASR, Pkf)