Здравотніцьтво ся в тім роцї дофінанцує 100 міліонами евр через высшы здравотны одводы зо штатных поістєнців. Презідент Андрій Кіска підписав в четверь новелу закона о здравотнім поіщіню, котра навышить одводы штату. Садзба за поістєнців за остатнї два місяцї в роцї ся підвышить з 3,78 на 5,67 процента. Здравотніцьтво так достане на дофінанцованя 100 міліонів евр. К такому кроку ся приступило по договорї з міністром фінанції, пояснив міністер здравотніцьтва Томаш Друкер.
(Зденка Цітрякова)