Трестне ознамлїня на Фіца за шырїня поплашной справы і огваряня дали заступцёве ініціатівы За слушне Слованьско 15. юна. Реаґовали так на ёго выядрїня к обчаньскым згромаждїням, котры ся орґанізовали по фебруаровій враждї новинаря Яна Куцяка і ёго снубеніцї. Ґенерална прокуратура в тім дїлї вчера выслухала експремєра і посланця Народной рады СР Роберта Фіца. Інформовали о тім представителї ініціятівы За слушне Словеньско, прокуратура то не підтвердила. Подля слов говоркынї Ґенералной прокуратуры, Андреі Предайнёвой, трестне ознамлїня ся доповнює і дотеперь не быв выданый ниякый вердікт.
(TASR, Цітрякова)
Фото: TASR