Кандідатом на судцю Судного двора Европской унії в Луксембурзі став судця Мірослав Ґавалець, председа сенату на Найвысшім суді Словацькой републікы. Судна рада го схвалила єдноголосно в понедільок. Ґавалця пропоновали двоми членове Судной рады. По зволіню кандідата о нім далше буде рішыти влада. Судна рада голосовала у публічній вольбі, Ґавалець быв єдиным кандідуючім. Зволеный кандідат у своїй презентації повів, же в рамках свойой 30-річной карьєры понад 20 років робить як правник і судця на вецеро позіціях. Окрім того має і академічну практіку, занимать ся публікачнов діялностьов, бере участь на меджінародных стажах і подля своїх слов має безперерывну самоосвіту. Акцентовав і своє одношіня ку меджінародному праву. Функчный період сучасного словацького представителя, судцю Даніела Швабія, кінчіть в октобрі 2021-го року.

(Медвідь, TASR)