Міністер фінанцій і лідер OĽANO Іґор Матовіч незаплатив покуту 250 евр за недотримуваня пандемічных опатрінь, котры му призначів Реґіоналный уряд верейного здравотницьтва Братіслава. В припаді планує ся одкликати. Увів то вчера по пресконференції.  Як дале Матовіч конкретізував, же документ мать много сторинок і мусить собі його докладно проштудовати, одкликати ся але планує так ці так. “Єдночасно ся буде просити, тівко покут выміряли Робертові Фіцові і подобным людям, о котрых знаме, же повторюючо верейні порушовали правила,“ доповнив. (TASR, Pkf)