Інштітут памяти народа одкрыє 22-го і 23-го фебруара свій архів про людей. День одкрытых дверей орґанізує із нагоды 70-ой річніці комуністічного пучу в році 1948. „Тот юбілей належыть меджі неґатівны гранічны пункты історії 20-го столітя. Рокы 1948 аж 1953 были періодом найгіршого терору односно досправдовых або додуманых одпорців режіму. Подля доступных даных забили каты меджі роками 1948 аж 1989 із політічных причін в Чехословакії цілково 248 людей, з того єдну жену, знаму політічку Міладу Горакову,“ повів про TASR ведучій реферату Oral History Інштітуту памяти народа Ян Мітач. Інштітут приготовив і вецеро актівностей, выставкы і наукову конференцію. О фебруаровых подіях собі можуть люди чітати і на вебсайті www.februar1948.sk. Цільом актівностей є приближыти верейности, головно молодым, причіны і дослідкы фебруарового пучу.
(Медвідь, TASR)