Пропозиції кандідатів на презідента СР мож одовздати до 30-го януаря. Треба їх подати председові Народной рады (НР) СР Петрові Пеллеґрініму. Председа НР СР перевірить до 14 днів од доручіня пропозиції на кандідата, ці тота пропозиція сповнює условія установлены законом. При поданю пропозиції в послідній можный день так легота на перевіріня мине 13-го фебруара. Право запропонувати кандідата на презідента мають посланці НР СР і тыж жытелі СР. В сітуації обчаньской пропозиції кандідата ся на пропозицію подавать формов петиції підписаной найменше 15.000 жытелями, котры мають право волити до НР СР. В припаді посланецького кандідата мусить пропозицію своїм підписом підпорити найменше 15 посланців НР СР. Кандідовати може подля закона каждый жытель СР з тырвалым перебываням на Словакії, котрый мать в день волеб хоч 40 років. Перше коло презідентьскых волеб буде в суботу 23-го марца. Евентуално друге коло буде 6-го апріла. (TASR, Pkf)