Вчера пав в Японії рекорд в чіслі денного наросту інфікованых людей на коронавірус. Японьскы медія увелы, же чісло інфікованых за єден день перекрочів 14.000 сітуацій, што є затля махімум. В главнім місті Токію зазначіли рекордных 4166 сітуацій напрік тому, же од 12-го юла в метрополі платить нудзовый став. Японія голосила од неділі рекордны денны чісла пять днів за собов. Премєр Йошігіде Суґа зважує завести нудзовый став і про префектуры Фукушіма, Точіґі і Аічі. Вырішыти бы ся мало в часі днешнього дня. В місці діяня олімпійскых гер прибыло і 31 новых позітівных тестів у людей, котры суть акредітованы на гры. Інформувала о тім офіціална інтернетова сторинка олімпійкых гер. (TASR, Pkf)