В суботу 2-го юна одбыло ся в Пряшові 26-те засіданя Округлого стола Русинів Словеньска, котре скликав його председа Ян Липиньскый. Меджі основны пункты засіданя належали вольба новой Презідії Округлого стола Русинів Словеньска, оцінка роботы Русиньской одборной рады при Фонді на підпору културы народностных меншын і приправа тогорічных подій, котры будуть присвячены 100-ій річніці сполочного штату Чехів, Словаків і Русинів. На чело Округлого стола Русинів Словеньска быв і на далшый період зволеный Ян Липиньскый.
(А. Кузмякова)